Leiðandi fyrirtæki í gámaþjónustu og endurvinnslu

Dótturfyrirtæki

Það er fyrir mikla baráttu, útsjónarsemi og þrotlausa vinnu eigenda og starfsmanna að fyrirtækið er þar sem það er í dag.

Hringrás

Fyrirtækið Hringrás er leiðandi í endurvinnslu brotajárns á Íslandi. Hringrás ræður yfir hagkvæmum og góðum tækjakosti sem gerir þeim kleift að veita viðskiptavinum öfluga og góða þjónustu.

HP Gámar

HP gámar sinna daglegri sorphirðu hjá fyrirtækjum og einstaklingum á höfuðborgarsvæðinu og á Suðurnesjum.Gámaþjónusta HP gáma nær yfir allt land og eru sérhæfðir í sorphirðu.

HP Flutningar

HP flutningar bjóða upp á daglegar ferðir á milli Reykjavík, Voga, Grindavík og Reykjanesbæjar. HP flutningar eru sérhæfðir í vöruflutningum frá Reykjavík til Suðurnesja.

Saga Hópsnes ehf

Það er fyrir mikla baráttu, útsjónarsemi og þrotlausa vinnu eigenda og starfsmanna að fyrirtækið er þar sem það er í dag.

Hópsnes ehf. var stofnað árið 1965 af þremur einstaklingum. Upphaflega stofnað utan um útgerð á einum vertíðarbát en stækkaði fljótlega og við bættist fiskvinnsla í landi og síðar fleiri fiskiskip.

Frá stofnun og allt til ársins 1995 gerði Hópsnes ehf meðal annars út bátana Hópsnes Gk og Höfrung GK ásamt því að reka fiskverkun í Grindavík. En árið 1995 tóku hlutirnir að breytast og var útgerðin og kvóti seld. Meðeigendum greiddur út þeirra hlutur í félaginu.

Eftir stóð einn hluthafi, Edvard Júlíusson, með um 5000 m2 af húsnæði við Verbraut í Grindavík og fljótlega eftir söluna fór Hópsnes að þjónusta sjávarútveginn með ýmsum hætti, til dæmis var og er ferskt fiskisalt geymt í húsnæði fyrirtækisins og sá Hópsnes um mokstur og dreifingu á saltinu í fiskverkunarhús á Suðurnesjum.